Presidentit francez Emmanuel Macron iu dha një pritje e akullt pasi arriti në paradën vjetore të Ditës së Bastijës në Paris të dielën.
Ndërsa Macron ishte në Champs-Elysées në Paris për të hapur paradën tradicionale vjetore ushtarake, protestuesit që rrinin në trotuare e pritën me aspak entuziazëm.
Vlerësimet e miratimit të Macron janë përmirësuar në javët e fundit së bashku me një rënie në pjesëmarrjen në lëvizjen antiqeveritare të Jelekverdhëve.
Forcat e Iniciativës për Ndërhyrjen Europiane me bazë në Paris, që përfshijnë trupa nga një numër i vendeve të BE-së, u përfshinë në paradë.
Franky Zapata, kampioni i botës në “jet-ski”, dhuroi sot një spektakël futurist në paradën tradicionale të 14 korrikut në Paris duke fluturuar, në një lartës prej dhjetëra metrash nga sipërfaqja e tokës mbi një “Flyboard”, një pajisje e krijuar nga vetë ai, sipër bulevardit “Champs-Elysees”.
Kjo platformë fluturuese që ngrihet nga pesë reaktorë me ajër, do të mundësojë testimin e përdorimeve të ndryshme, si për shembull një platformë logjistike fluturuese ose një platformë sulmuese në ushtri, kishte komentuar me herët ministrja e mbrojtjes, Florence Parly për “France Inter”.
Në Francë, 14 korriku është festë publike, e quajtur Dita e Bastisjës.
Kjo datë shënon sulmin mbi burgun e Bastijës në vitin 1789, që ishte edhe fillimi i Revolucionit Francez. Bastija u bë simbol i pushtetit absolut dhe arbitrar të mbretit të Francës.
Revolucioni Francez njihet në historinë botërore si revolucioni më i fuqishëm i cili solli ndryshime revolucionarnë tëe rë globin.
VAZHDO TË LEXOSH MË TEPËR PËR TEMËN
Kur Evropa humbte një shpirt të madh!
Kur niste revolucioni që ndryshoi botën…
“Makron po sillet si të ishte Zot”
