Pyjet e Amazonës, “mushkëritë e botës” po digjen. “Ka pasur një rritje prej 83% të zjarreve të pyjeve që nga fillimi i vitit 2019”, tha Instituti Kombëtar i Brazilit për Kërkime në Hapësirë (INPE). Shumë fajësojnë politikat e Presidentit Bolsonaro.
Kjo rritje dramatike është pjesërisht për shkak të sezonit të thatë të vendit, por është edhe pasojë e rritjes së shpyllëzimit nën administrimin e Jair Bolsonaro.
Rritja vjen pas dy viteve rresht të rënies së numrit të zjarreve, dhe është shifra më e lartë që nga viti 2013, sipas INPE.
Fotografitë dhe videot e publikuara në mediat sociale tregojnë shtëllunga gjigande tymi që ngrihen nga pyjet e Amazonës.
“CNN” shkruan se tymi ka arritur deri në Sao Paulo, më shumë se 1.700 milje larg. Pamjet nga qyteti tregojnë qiellin e zi në mes të pasdites, ndërsa dielli është i mbuluar nga tymi dhe hiri.
Amazona shihet si arma e fundit kundër ndryshimit të klimës, pra nëse Amazona humbet, lufta kundër ndryshimit të klimës humbet gjithashtu.
Zjarret në Amazon mund të fillohen aksidentalisht gjatë “queimada”, pastrimi i përdorur për të shndërruar zonat pyjore në zona kultivimi dhe blegtorale muaj.
Bolsonaro tregoi se queimada ishte fajtore, por këtë e kanë hedhur poshtë ambientalistët, të cilët thanë se sezoni ishte ideal, në të cilin zjarret mund të digjen, zjarret mund të fillohen vetëm nga ndërhyrja njerëzore, sipas tyre.
Por presidenti ka thënë se OJQ-të po sabotonin qeverinë e tij duke i vendosur vetë zjarret. Kur reporterët e pyetën atë për prova lidhur me këto pretendime, ai nuk dha asnjë të tillë. Bolsonaro është i njohur për ushtrimin e presionit ndaj organizatave të angazhuara për të luftuar shpyllëzimin.
Ndërsa zjarret vazhdojnë në Amazon, njerëzit në mbarë botën po përdorin hashtagun #PrayForAmazonia (Lutu për Amazonën) në rrjetet sociale.
Ricardo Salles, ministri i mjedisit në Brazil, i tha AFP të mërkurën se qeveria kishte mobilizuar punëtorët e urgjencës dhe planet për të luftuar zjarret dhe se po punonte me qeveritë rajonale për të ndaluar dëmet.
Bolsonaro ka qenë duke inkurajuar në mënyrë aktive shfrytëzimin agresiv ekonomik të burimeve të Brazilit, madje edhe në zona të mbrojtura. Megjithatë, ai tani po përballet me presion ndërkombëtar për refuzimin e tij për të miratuar masa për mbrojtjen e pyjeve të shiut.
Aktivitetet njerëzore, bujqësia, minierat dhe shpimet, janë ato që thonë shkencëtarët që po përkeqësojnë situatën tani.
Situata për hir të së vërtetës paraqitet mjaft shqetësuese dhe kudo në Twitter, Instagram, fotot e trishta janë bërë virale, ku shfaqen kafshë të plagosura dhe pyje që po digjen.
Kjo situatë ka shkaktuar mjaft frikë dhe panik tek qytetarët, të cilët përmes rrjeteve sociale kërkojnë të rrisin sensibilizim nga ana e gjithë njerëzve në mbarë botën si dhe nga ana e qeverisë, që të marrë masat e nevojshme në mënyrë që pylli më i madh në botë… të mbijetojë!
VAZHDO TË LEXOSH MË TEPËR PËR TEMËN
Arrihet niveli më i lartë i shpyllëzimit të Amazonës
Presidenti i Brazilit, kërcënim për “Mushkëritë e planetit”
Toka fsheh thesare
