Dhjetëra mijëra rumunë kanë marrë pjesë në protesta masive kundër korrupsionit në kryeqytetin e Bukureshtit.
Demonstrata u organizua nga grupe rumunësh që punojnë jashtë vendit, të cilët janë të zemëruar me ato që thonë se është korrupsion i përhapur, udhëheqje jokompetente dhe përpjekje për të dobësuar gjyqësorin e vendit.
Rreth 3.5 milion rumunë janë duke punuar dhe jetojnë jashtë vendit, sipas Bankës Botërore.
Mbi 20,000 njerëz u mblodhën jashtë selisë së qeverisë të udhëhequr nga Social Demokratët, duke kërkuar dorëheqjen e qeverisë së kryeministres Viorica Dancila.
Protestat po nxiten gjithashtu pjesërisht nga zemërimi për përdhunimin dhe vrasjen e një vajze adoleshente dhe përgjigjen e ‘vakët’ të qeverisë. Ajo u gjet nga policia 19 orë pasi kishte kërkuar ndihmë tre herë në numrin e emergjenca 112.
“Ne duam që kjo qeveri plot paaftësi, njerëz të korruptuar dhe hajdutë të ikin sepse nuk mund të vazhdojmë më si kjo,” tha qytetari i Bukureshtit Mihai Munteanu.
Disa mbartnin parulla si “Korrupsioni vret”, sipas mediave lokale.
Rumunët kanë organizuar një seri protestash paqësore përgjatë dy viteve të fundit që kur erdhën në pushtet Social Demokratët në pushtet dhe prezantuan disa ndryshime ligjore që janë parë si kërcënim për pavarësinë e gjyqësorit.
Një vit më parë një protestë antiqeveritare u bë e dhunshme kur policia hodhi gaz lotsjellës dhe sulmoi protestuesit jo të dhunshëm. Mbi 400 njerëz u plagosën në demonstratë.
