Kjo që ndodhi në Itali nuk ishte aspak e papritur. Kryeministri i Italisë, Giuseppe Conte, njoftoi dorëheqjen e tij në 20 gusht, duke i dhënë fund qeverisë së tij, një koalicion midis dy partive populiste: Lëvizja Pesë Yje(M5S) dhe Lidhjes.
Rënia e qeverisë kishte të ngjarë qëkur Matteo Salvini, udhëheqësi i Lidhjes, nisi deklaratat e tij kundër kolaicionit në fillim të këtij muaji. Në fakt, shumë e kishin parë si të pashmangshme që kur u krijua koalicioni 14 muaj më parë.
Largimi i Conte e fut Italinë në një krizë nga e cila nuk ka rrugëdalje lehtësisht të parashikueshme.
Kjo mund të bëjë që Salvini të arrijë qëllimin e tij për t’u bërë kryeministër. Tani gjithçka do të jetë në dorën e presidentit, Sergio Mattarella, për të vendosur nëse mund të formohet një shumicë e re parlamentare. Nëse jo, ai do të duhet të mbahen zgjedhje.
Duke iu drejtuar Senatit, dhoma e sipërme e parlamentit italian, Conte tha se ai po jepte dorëheqjen vetëm për shkak të mungesës së mbështetjes së Salvinit. Ai e akuzoi atë për “ndjekje vetëm të interesave personale”. Dhe, me një qortim të ashpër, ai iu drejtua zëvendësit të tij, i ulur pranë tij dhe tha: “Ne nuk kemi nevojë për njerëz dhe burra me kompetenca të plota, por respekt për institucionet dhe përgjegjshmëri.”
Të dy, Conte dhe zëvendësi i tij përdorën fjalimet e tyre për të foluar për betejën e ardhshme për të formuar një qeveri të re, në të cilën marrëdhëniet e Italisë me Bashkimin Evropian do të jenë çështje kryesore.
Conte tha se, ndërsa federalizmi i verbër nuk ishte përgjigje për problemet e Evropës, as kthimi në nacionalizmin izolues të së kaluarës nuk ihste. Si përgjigje, Salvini tha “Ne jemi kombi më i bukur dhe potencialisht më i pasur në botë dhe unë nuk e duroj dot më faktin se çdo vendim duhet të varet nga nënshkrimi i një zyrtari evropian,” deklaroi ai.
Një skenar i mundshëm do të ishte që Pesë Yjet të bëhej aleate me Partinë Demokratike të qendrës së majtë (PD) për të formuar një qeveri të re. PD është thellësisht e përçarë kur bëhet fjalë për idenë e një aleance “Stop Salvini”, megjithëse drejtuesi i partisë, Nicola Zingaretti, gradualisht është bërë më pak armiqësor ndaj idesë.
Përballë rrezikut për të humbur pushtetin tërësisht, Salvini i ofroi lëvizjes Pesë Yje të qëndronte me koalicionin aktual. Ai premtoi të mbështesë reformën e tyre: një shkurtim në madhësinë e legjislaturës.
Por këto janë ujëra të ftohta për ‘Il capitano’, dhe po aq edhe për anijen me të cilën ai shpreson të udhëtojë.
VAZHDO TË LEXOSH MË TEPËR PËR TEMËN
“Italia PO kundër Italia JO” Salvini zbardh planin
Conte: Jap dorëheqjen nëse s’ka bashkëpunim
“Russiagate”, Conte i del në mbrojtje Salvinit
