MENU
klinika

Financimet e paligjshme nga Rusia

“Russiagate”, Conte i del në mbrojtje Salvinit

25.07.2019 - 18:34

Kryeministri italian Giuseppe Conte deklaroi se qeveria e tij nuk ka qenë e ndikuar nga Rusia në një fjalim që ai dha të mërkurën në mbrëmje lidhur me skandalin e ashtuquajtur “Russiagate”.

Skandali shpërtheu pasi në fillim të korrikut nga BuzzFeed, me bazë në SHBA, që tha se kishte një regjistrim audio në Moskë me 75 minuta, mes tre italianëve, duke përfshirë Gianluca Savoini, një ndihmës i ngushtë i zëvendëskryeministrit të Italisë, Salvini, dhe tre rusë të paidentifikuar.

Në bisedimet, të cilat u raportuan të kenë ndodhur më 18 tetor 2018, gjashtë burrat thuhet se diskutuan një marrëveshje të mundshme që përfshinte një kompani ruse që shiste naftë me vlerë 1.5 miliardë dollarë në një normë të zbritur, duke lejuar kështu partinë e Salvinit të merrte një pjesë të parave.

Ndërsa Buzzfeed e bëri të qartë se nuk kishte dëshmi se marrëveshja ishte realizuar, prokurorët në Milano filluan të hetojnë raportin dhe veprimet e Savoinit.

Savoini, i cili është një gazetar i martuar me një ruse dhe president i shoqatës Lombardia-Rusi, ka përdorur të drejtën e tij për të heshtur para prokurorëve.

Më 10 korrik, zëvendëskryeministri i Italisë Salvini mohoi raportet rreth partisë së tij që kërkonte fonde të paligjshme ruse dhe që atëherë nuk pranoi të fliste për çështjen.

kolana e librave

Në një fjalim parlamentar të mërkurën, Kryeministri italian Giuseppe Conte, mbrojti Salvinin, partinë e Lidhjes dhe qeverinë.

“Pozicioni ynë ka qenë koherent, i arsyeshëm dhe kurrë i kushtëzuar padrejtësisht nga faktorë shqetësues që mund të kenë rezultuar në një devijim nga interesat tona kombëtare”, tha Conte.

“Nuk ka elemente që mund të prekin besimin tim tek të gjithë ministrat e mi”, shtoi Kryeministri italian, duke iu referuar para së gjithash Matteo Salvinit.

Conte pranoi se Savoini ishte pjesë e një delegacioni zyrtar të ministrisë së brendshme në Moskë në korrik dhe përsëri në tetor 2018. Megjithatë, pavarësisht se ishte pjesë e delegacionit, Savoini nuk mbajti asnjë rol zyrtar në qeverinë italiane.

Kryeministri italian gjithashtu këmbënguli që partia e Lidhjes, teknikisht ende partneri i vogël në koalicionin qeverisës pavarësisht nga performanca më e mirë në zgjedhjet e majit 2019, nuk dikton politikën e jashtme të koalicionit.