Edicioni i tetë i “Apollo Art Koloni” mbylli edicionin e tetë, në Fier. Për më shumë se 20 prej punimeve të artistëve pjesëmarrës, muza artistike ishte vetë bregdeti i Darzezës!
Frymëzimi është marrë në bregdetin e Darëzezës, në Fier dhe janë hedhur në telajo. Janë vepra të artistëve pjesëmarrës në edicionin e tetë të “Apollo Art Koloni”.
20 punime në teknika të ndryshme, u prezantuan në galerinë e arteve “Vilson Kilica”.
Për drejtorin e galerisë, Pandeli Lena, mbart vlerat e artit botëror.
Pandeli Lena: Një ekspozitë dinjitoze, me vlera artistike. Po t’i shohim, ata janë artistë të njohur në vendet e tyre. Secili ka profilin dhe vlerat e veta, mënyrën e të pikturuarit dhe të konceptuarit, apo mesazhet që përcjellin.
Pas përfundimit të ekspozitës, veprat e paraqitura do t’i mbeten fondit të Galerisë së Arteve, ndërsa kolonia e artistëve shënon të parën veprimtari, pas pushimeve verore.
VAZHDO TË LEXOSH MË TEPËR PËR TEMËN
“Lutja” e Gazmend Lekës
“Ndryshe”, Ekspozita e komunitetit rom dhe nudos
‘’Ditët e Mios’’ vijnë plot impresionizëm në Korçë
