Gjykata Speciale e Hagës mori në pyetje ish-komandatin e UÇK-së Naim Maloku.
Vetë ky i fundit e bëri me dije lajmin në një postim në profilin e tij në Facebook. Ai falenderoi palën sllovene për mbrojtjen e të drejtave të tij si dëshmitar.
Për krimet e luftës në Kosovë janë intervistuar nga Gjykata e Hagës disa ish-krerë të UÇK-së mes tyre dhe Ramush Haradinaj, i cili në korrik dha dorëheqjen nga posti i kryeministrit.
Naim Maloku është deputet i AAK-së, parti që drejtohet Ramush Haradinaj.
Postimi i Naim Malokut:
Bashkëluftetarët e mi, familjarë dhe miq!
Ju njoftoj që sot, para pak çastesh, e kreva detyrimin tim para Drejtësisë së Shtetit tim, Kosovës duke e përfunduar intervistimin nga Prokuroria e Gjykatës Speciale me seli në Hagë.
Intervistimi është kryer në Gjykatën e Qarkut të Lubjanës, në prezencën dhe udhëheqjen e gjyqtares së kësaj Gjykate ,si dhe konform ligjeve dhe juridiksionit Slloven.
Unë dhe Prokuroria Speciale ishim palë të barabarta në Gjykatë.
E falenderoj Gjykatën e Qarkut të Lubjanës dhe shtetin slloven për korrektësinë dhe mbrojtjen e të drejtave të mia si palë!
VAZHDO TË LEXOSH MË TEPËR PËR TEMËN
‘Amerika s’ka ndryshuar qëndrim për Kosovën’
‘Korrigjimi i kufijve janë maskime për ndarjen e Kosovës’
‘Pa viza, s’ka dialog’
