15.09.2019 - 18:51
Princi Harry feston sot më 15 shtator 35-vjetorin e lindjes.
Në këtë ditë të veçantë për të Meghan ka ndarë në Instagram një urim për bashkëshortin e saj, të cilin e ka cilësuar si bashkëshorti dhe babai më i mirë në botë.
Përveç urimit special, Meghan ka ndarë edhe disa foto ndër vite të princit që kur ishte fëmijë, deri te momentet e tij si baba.
Fotoja familjare që Meghan ka zgjedhur është një foto që është shkrepur gjatë pagëzimit të Archie-t, por që nuk ishte publikuar më parë.
“Shërbimi yt për kauzat që të interesojnë aq shumë më frymëzon çdo ditë. Je bashkëshorti më i mirë dhe një baba i mrekullueshëm për djalin tonë. Të duam! Gëzuar ditëlindjen”, -ka shkruar Meghan.
