Tashmë u mundësohet studiuesve dhe jo vetëm, arkivi personal i poetit Lasgush Poradeci.
Pranë Drejtorisë së Përgjithshme të Arkivave, u dhurua para disa vitesh, arkivi personal i poetit Lasgush Poradeci (Llazar Gusho), nga të bijat: Marie dhe Kostandina Gusho. Ky fond personal, mbas një viti proces restaurimi dhe përpunimi, tashmë është gati për të gjithë studiuesit e veprës së tij.
Arkivi personal i Lasgushit, përfshin mijëra fletë-dorëshkrime, shtypshkrime, gazeta, revista, fotografi dhe kartolina, ftesa e telegrame, partitura, harta, kartëmonedha, çertifikata, diploma, madje edhe dekorata dhe pulla poste.
Të gjitha këto ofrojnë një material të pasur të dorës së parë, për studiuesit e jetës dhe veprës së tij, për studiuesit e letërsisë së krahasuar që mund të kenë mundësi krahasimi variantesh, si dhe për kureshtarët që mund të zbulojnë se çfarë gazetash e revistash shfletonte poeti, apo me kë mbante korrespondencë, etj.
VAZHDO TË LEXOSH MË TEPËR PËR TEMËN
Lasgush Poradeci vjershë Naim Frashërit
‘Kur gjeniu nderon gjeniun’
“Nëna ime e dhembshur… ajo është një leshverdhë”
