Koreja e Veriut është e gatshme të rinisë bisedimet e denuklearizimit me Shtetet e Bashkuara më vonë këtë muaj, tha zëvendësministrja e jashtme e vendit.
Choe Son-hui tha se ata ishin të gatshëm të rifillojnë diskutimet “gjithëpërfshirëse”. Deklarata e saj erdhi pasi Sekretari i Shtetit Amerikan Mike Pompeo shprehu shpresë për rinisjen e bisedimeve.
Choe tha se Koreja e Veriut ishte e gatshme të ulej “ballë për ballë” përsëri në një kohë dhe vend rreth fundit të shtatorit.
Në deklaratë, ajo i kërkoi Uashingtonit të vinte me një qasje të re në mënyrë që të mbante gjallë shpresat për një marrëveshje.
“Dua të besoj se pala amerikane do të dilte me një që i shërben interesave të të dy palëve dhe është e pranueshme për ne,” tha ajo, sipas Reuters.
Disa orë pasi Choe foli, dy raketa me rreze të shkurtër u njoftua se u nisën nga Koreja e Veriut.
Në takimin e tyre të parë, vitin e kaluar, Presidenti amerikan Donald Trump dhe Kim Jong-Un i Koresë së Veriut ranë dakord për “denuklearizimin e plotë” të gadishullit korean, por pa përcaktuar se çfarë do të thoshte ose si ta arrinte atë. Diskutimet mbi detajet më të hollësishme u bënë në shkurt, gjatë samitit të tyre të dytë në Hanoi. Samiti i fundit u prish pas një mosmarrëveshje për heqjen e sanksioneve.
Në qershor, Trump dhe Kim folën përsëri në një takim historik në Zonën e Demilitarizuar (DMZ) midis dy Koreve. Gjatë një diskutimi të shkurtër të dy liderët ranë dakord se bisedimet për nivelin e punës duhet të rifillojnë, por ato ende nuk kanë rifilluar.
“Unë kam një marrëdhënie shumë të mirë me Kim,” u tha Trump gazetarëve në Shtëpinë e Bardhë të hënën. “Unë gjithmonë them se takimi është një gjë e mirë. Do të shohim se çfarë ndodh”.
VAZHDO TË LEXOSH MË TEPËR PËR TEMËN
‘Dua t’më japin vëmendje ashtu si bëjnë koreanët për liderin e vet’
A është Kina ”fajtore” për situatën në Korenë e Veriut?
