Akademia e filmit “Marubi”, do të kthehet në kinemanë e preferuar për qytetarët, për 6 ditë radhazi
Nga e hëna e 16 shtatorit deri të shtunën e 21 shtatorit 2019, do të zhvillohet edicioni i katërmbëdhjetë i Festivalit Ndërkombëtar të Filmit për të Drejtat e Njeriut në Shqipëri. Drejtor i festivalit të filmit, Kujtim Çashku, u shpreh se në këtë edicion do të sillen për herë të parë filma që janë censuruar në vendin e tyre, transmeton oranews.
Këtë vit, aktiviteti vjen me një tematikë të mprehtë që në fokus do të ketë temën: “Injoranca vret”.
Kryetari i Festivalit Ndërkombëtar i Filmit të drejtat e Njeriut në Shqipëri, Robert Wilton, bashkëpunëtor i këtij eventi, theksoi se kjo temë është tepër esenciale në botën e sotme.
Në edicionin e 14-të të festivalit nga qindra aplikime janë përzgjedhur 44 produksione nga e gjithë bota. Përveç Akademisë së Filmit dhe Multimedias Marubi, si dhe Arkivit Qendror Shtetëror të Filmit, filmat do të shfaqen edhe pranë “Europe House”, Akademia e Sigurisë, COD.
VAZHDO TË LEXOSH MË TEPËR PËR TEMËN
‘Derisa të besosh te vetja, nuk ke për të pasur një jetë’
‘’Delegacioni’’, filmi që nis rrugëtimin ndërkombëtar
‘Ilia Terpini më shpëtoi nga vdekja’
