Në Triesh të Tuzit, u përurua ditën e djeshmë, busti i heroit tonë kombëtar Gjergj Kastrioti Skënderbeu, pranë shkollës fillore që mban emrin e heroit.
Pjesëmarrës në këtë eveniment, veç zyrtarëve vendas, ishin edhe të nga Kosova, Shqipëria, si dhe nga shumë shqiptarë nga diaspora. Me këtë rast, mbajtën fjalën drejtori i shkollës fillore “Gjergj Kastrioti Skënderbeu”, në Triesh, Nikollë Dukaj, kryetari i Kuvendit të komunës së Tuzit, Fadil Kajoshaj, drejtori i Arsimit të MZ, Marash Dukaj, ish mësues në këtë shkollë, Tomë Dedivanaj, përfaqësuesi i ministrisë së Kulturës së MZ, përfaqësuesi i Fondit Humanitar Trieshi nga Diaspora, Gjon Gjokaj, akademik Frashër Demaj, si dhe kryetari i Komunës së Tuzit, Nik Gjeloshaj.
Të pranishmit i përshëndeti këshilltari i Presidentit të Shqipërisë, Ilir Meta, z. Flamur Gashi, i cili në emër të institucionit të Presidentit Meta, i dha titullin “Kalorës i Urdhrit të Skënderbeut” (pas vdekjes), ish mësuesit Gjon Gjekës Lucaj, me motivacion: “Për patriotizmin e treguar gjatë kryengritjeve për pavarësinë e Shqipërisë së Veriut; mësues i nderuar dhe i përkushtuar i gjuhës shqipe, historisë dhe ligjërues i devotshëm i saj, duke u bërë burim frymëzimi për brezat pasardhës”, titull që e pranoi nipi i Gjon Gjekës, Pjetër Lucaj.
Ndërkaq, të pranishmit i argëtuan këngëtarët Nikollë Nikpelaj, Ilir Shaqiri, Fran Lucaj, Toni dhe Shtjefën Ujkaj, Marija Lajçaj, Arton Nikprelaj, si dhe SHKA “Besa”.
VAZHDO TË LEXOSH MË TEPËR PËR TEMËN
“Arbëreshët takojnë Gjergj Kastriot Skënderbeun”
‘’Deka e Skënderbeut’’ para 101 vitesh në skenë
“Formula e Pagëzimit”, dëshmia 556 vjeçare e shqipes së shkruar
