U vlerësuan për zbulime që lidhen me universin. Çmimi “Nobel në Fizikë” u shkoi tre shkencëtarëve: James Peebles, Michel Mayor dhe Didier Queloz u shpallën fitues, gjatë ceremonisë së ditës së sotme, në Stokholm.
Sipas publikimit nga Komiteti i Nobelit, thuhet se gjysma e çmimit iu nda James Peebles, për “zbulimet teorike në kozmologjinë fizike”, ndërsa pjesa tjetër, dy shkencëtarëve të tjerë, për “zbulimin e një eksoplaneti që rrotullohet rreth një ylli”.
Fituesit do të ndajnë shumën prej më shumë se 900,000 dollarësh, si vlera monatera e çmimit.
Një ditë më parë, të hënën, Komiteti i Nobelit ndau çmimin për Mjekësinë, ndërsa këtë javë do të ndahet edhe Nobeli në Kimi, ai për Paqen, si dhe Letërsinë.
Sa i përket fushës së letërsisë, “Nobeli 2019” ndan dy çmime, ai i vitit, bashkë me vlerësmin për vitin e kaluar. Kjo, pas skandalit seksual që përfshiu Akademinë e Shkencave në Suedi, gjatë vitit 2018.
VAZHDO TË LEXOSH MË TEPËR PËR TEMËN
“Lasgushi” dhe nobelistja Deledda bashkë në qiejt e Evropës
“Absolutisti i relativitetit”
“Evropa do të zhduket nën dallgët e populizmit”
