Vdekja e Abu Bakr Al-Bagdadi mund të mos e ndryshojë botën. Sidoqoftë, kjo ngjarje do të ketë shumë pasoja.
Në zinxhirin e ngjarjeve që çuan në shkatërrimin e udhëheqësit të ISIS, çdo lidhje tregon një histori. Vdekja e al-Bagdadi mund të shënojë fillimin e një kapitulli të ri të pasigurt.
ISIS ka vepruar si një kryengritje, një milici, një qeveri dhe, ndoshta më e rrezikshme, si një lëvizje, duke frymëzuar ndjekësit pavarësisht nga brutaliteti. “Vdekja e Abu Bakr al-Bagdadi, nuk është një goditje katastrofike për cilësinë e udhëheqjes në ISIS”, thotë Michael Nagata, i cili u tërhoq në gusht si gjeneral-lejtenant i ushtrisë dhe drejtor i strategjisë nga Qendra Kombëtare e Antiterrorizmit .
Nagata, që shërbeu në Lindjen e Mesme si një komandant i operacioneve speciale në vitin 2014 kur filloi fushata kundër-ISIS, thotë se ISIS tani ka një kadër udhëheqësish të rinj, të forcuar në betejë, të cilët po ngjiten në skajet e saj dhe në rrjetin global të grupit terrorist.
“ISIS nuk është një organizatë e gjymtuar sepse Bagdadi është zhdukur,” thotë ai.
“Fuqia e qëndrimit të Shteteve të Bashkuara po vihet në dyshim në një mënyrë shumë, shumë serioze,” i tha Presidentit të Irakut, Barham Salih, për Axios në një intervistë. “Dhe aleatët e Shteteve të Bashkuara janë të brengosur për varësinë e Shteteve të Bashkuara.”
Siç shkroi Instituti për Studimin e Luftës në një raport të qershorit. “Kryengritja e ISIS do të rritet sepse zonat që ka humbur në Irak dhe Siri nuk janë as të qëndrueshme as të sigurta.”
Pasi forcat ruse dhe turke pushtuan territorin e mbajtur dikur nga kurdët dhe amerikanët, Trump urdhëroi forcat amerikane për të mbrojtur fushat e afërta të naftës.
“Ishte shumë mire që lideri u hoq qafe, por nuk është vetëm një grup terrorist, është një ideologji gjithashtu,” thotë Aki Peritz, një ish-analist i antiterrorizmit të CIA-s.
VAZHDO TË LEXOSH MË TEPËR PËR TEMËN
Profil/ Kush ishte Al-Baghdad, njeriu më i kërkuar në botë?
ISIS, ‘sëmundje kronike’…
Plani i radhës i ISIS
