Në fundjavë bëri bujë të madhe në Angli, teksa ofendoi tifozët gjatë momentit të zëvendësimit dhe hodhi bluzën në shenjë revolte për shkak të vërshëllimave ndaj tij.
Kapiteni i Arsenal-it, Granit Xhaka, këto gjeste i bëri kur po dilte nga fusha në ndeshjen Crystal Palace, e përfunduar në barazim 2-2, që la të pakënaqur tifozët.
Trajneri Emery u shpreh i pakënaqur për këtë gjest të futbollistit, për të cilin tha se do të merren masa. Pikërisht masa e parë ka ardhur ditën e sotme. Tekniku spanjoll ka vendosur që ta lërë jashtë listës me lojtarët e ftuar për ndeshjen ndaj Liverpool ditën e nesërme, për 1/8 e Kupës.
Kjo është vetëm masa e parë në drejtim të Xhakës, i cili tani rrezikon të humbë edhe shiritin e kapitenit, i cili iu besua vetëm pak kohë më parë. Gjithsesi, kapiteni do të vendoset mes vetë lojtarëve të Arsenal me votë, porn ë grup ai gëzon ende respekt maksimal.
VAZHDO TË LEXOSH MË TEPËR PËR TEMËN
Gjesti i Xhakës, “pro” dhe “kundër” tek Arsenal
Gjesti i madh i Xhakës për tifozin e vogël
