04.10.2019 - 18:55
Një vajzë 13 vjeçare është rrëmbyer në kryeqytet.
Ngjarja ka ndodhur në rrugën “Ndre Mjeda” sapo vajza ka zbritur nga furgoni i shkollës.
“Në rrugën “Ndre Mjeda” dyshohet se një person ende i paidentifikuar ka marrë jashtë dëshirës në automjet një 13 vjeçare dhe ështê larguar” njofton policia.
Policia është vënë në ndjekje të automjetit dhe po punon itensivisht për identifikimin dhe kapjen e personit.
Vajza me inicialet S.B., ka bërë rezistencë dhe nuk ka dashur të hipë në automjet. Pavarësisht se ajo ka bërtitur, duke tërhequr edhe vëmendjen e qytetarëve, autori ka arritur që të fusë forcërisht në makinë 13-vjeçaren.
Mes të tjerash mësohet se në furgonin e shkollës 13-vjeçarja ka qenë së bashku me të motrën. Skena është parë nga gjyshja që ishte në ballkon duke pritur mbesat dhe ka qenë pikërisht ajo që ka njoftuar policinë. Po ashtu Bezat tha se nga dëshmitë është mësuar se në automjet ka qenë vetëm një person.
Forcat e gjithë komisariateve nr. 3,4 dhe 5, aktualisht janë në terren, ndërsa janë vënë në ndjekje për të kapur autorin.
VAZHDO TË LEXOSH MË TEPËR PËR TEMËN
Sheshi dhe prespektiva
I bukuri Përmet me rrugë të ngushta
Nga New York Times
A do të vijë ndonjëherë demokracia në Siri?
"Dua Lipa, artistja që vjen nga trashëgimia e protestës"
