Sopranoja e madhe shqiptare me famë botërore, kthehet në Tiranë për t’iu bashkuar zërit të vajzave dhe grave të vendit të saj, në koncertin e bamirësisë. Të gjitha të ardhurat nga koncerti i datës 22 tetor, do të shkojnë për organizatën YWCA, në mbështetje të grave të prekura nga kanceri i gjirit.
Ermonela Jaho, sopranoja shqiptare me fame botërore do të rikthehet në Tiranë për të mbajtur një koncert të madh në sallën e Katedrales Ortodokse. Duke qenë njëkohësisht ambasadore e YËCA në kauzën e “Fjongos Rozë”, Jaho ka përgatitur edhe një surprizë për shqiptarët.
Lajmin e ka bërë të ditur vetë sopranoja e njohur, nëpërmjet posterit të koncertit, që ka protagonist edhe tre artistë të tjerë shqiptarë; Vikena Kamenicën, Enada Hoxhën dhe Elda Laron, ndërsa e ka konfirmuar më tej edhe kryebashkiaku i Tiranës Erion Veliaj, i cili fton qytetarët të ndjekin koncertin.
“Jam shumë i lumtur që një talent i rrallë dhe një mike e çmuar si Ermonela Jaho, kthehet në Tiranë për t’iu bashkuar zërit te vajzave dhe grave shqiptare në një koncert bamirësie. Ky koncert mbart një mision shumë fisnik që është mbledhja e fondeve për “tetorin rozë”.
Merr mikeshat dhe mos e humb datën 22 tetor, ora 19:00, në sallën e Katedrales Ortodokse.
Fitimet e këtij koncerti, që do të mbahet më 22 tetor, do të shkojnë për organizatën YWCA, si mbështetje e grave që janë prekur nga sëmundja e kancerit të gjirit.
VAZHDO TË LEXOSH MË TEPËR PËR TEMËN
Ermonela Jaho, mbretëresha e muzikës klasike
Traviata, shpërthim emocionesh ku luan Ermonela Jaho
Ermonela Jaho prezanton bashkëshortin
