Kryeministri Edi Rama, do të raportojë ditën e nesërme, në Kuvend, në cilësinë e ministrit të jashtëm lidhur me çështjen e Alvinit, 11-vjeçarit të mbyllur në kamp në Siri.
Ishte kjo një kërkesë e bërë nga shtatë deputetë të opozitës, më konkretisht Alban Zeneli, Arben Elezi, Arlind Çaçani, Korab Lita, Halil Jakimi, Koci Tahiri dhe Kostaq Papa.
Në kërkesën e tyre, kërkohej interpelancë me Ministrin e Jashtëm, por pa specifikuar nëse bëhej fjalë për Ramën apo për Cakajn, duke qenë se shefi i ekzekutivit ia delegoi detyrën e ministrit për Europën dhe Punët e Jashtme, zv/ministrit Gent Cakaj.
Megjithatë, do të jetë vetë kreu i qeverisë që do t’u përgjigjet pyetjeve të opozitës së re lidhur me 11-vjeçarin në kampin e Siri.
Siç ka deklaruar më herët, sipas Ramës çështja e 11-vjeçarit shkon përtej diplomacisë shqiptare dhe se nxjerrja e tij është e vështirë, megjithatë theksoi se ka një plan me partnerët për ta larguar atë.
Rama është thirrur në interpelancë nga opozita e re, për t’i dhënë përgjigje pyetjeve se deri ku ka arritur ky plan dhe çfarë është bërë deri më tani për shpëtimin e Alvinit.
VAZHDO TË LEXOSH MË TEPËR PËR TEMËN
A është ende “Amerika e para”?
