11.11.2019 - 15:43
Pas votimit sot në Kuvend të dy anëtarëve të rinj të Gjykatës Kushtetuese, delegacioni i BE ka reaguar lidhur me procesin.
Në një postim në Twitter, delegacioni i BE në Tiranë shkruan se presin krijimin e një Gjykatë funksionale sa më shpejt që të jetë e mundur.
“Sot Parlamenti shqiptar zgjodhi dy anëtarë të rinj të Gjykatës Kushtetuese. Ne e mirëpresim këtë vendim dhe presim krijimin e një Gjykatë funksionale sa më shpejt që të jetë e mundur. Zbatimi i reformës në drejtësi vazhdon dhe është thelbësor për Shqipërinë në rrugën e saj të integrimit në BE”, thuhet në këtë reagim.