Zhvillimi i rrjeteve të telefonisë celulare të gjeneratës së pestë (5G) në Greqi “ka ngecur” në luftën tregtare SHBA-Kinë.
Rezultati i këtij konflikti nuk është parë akoma dhe presioni po rritet nga pala greke, e cila i është drejtuar Komisionit Evropian për mbrojtje.
Një ditë pas largimit të Presidentit Kinez Xi Jinping nga Athina në fillim të këtij muaji, përfaqësuesit e Departamentit të Tregtisë së SHBA u takuan me zyrtarë të qeverisë greke.
Takimi i organizuar nga Dhoma e Tregtisë Amerikano-Greke përfshiu zyrtarë nga tregu, si dhe Ministria e Qeverisjes Dixhitale, me qëllim të diskutimit të planeve të Athinës për zhvillimin e rrjetit 5G.
Qëllimi aktual i palës amerikane ishte të parandalonte çdo marrëveshje për pajisjet e rrjetit të telefonisë celulare të gjeneratës së re për kompaninë kineze Huawei.
Amerikanët përmendin shqetësimet e sigurisë për të cilat ata thonë se e vënë aleancën atlantike në rrezik.
Disa ditë më parë Sekretari i Tregtisë amerikane Wilbur Ross tha se Greqia duhet të jetë e kujdesshme me lidhjet e ngushta tregtare me kinezët, duke iu referuar marrëveshjeve për Autoritetin Portual të Pireut.
VAZHDO TË LEXOSH MË TEPËR PËR TEMËN
A është Kina ‘lokomotiva’ edhe për Evropën?
BE, kolos ekonomik, por xhuxh gjeopolitik…
BE po korr atë që ka mbjellë!
