Kanë përfunduar ndeshjet e katërta në grupe, ku sonte nuk ka pasur surpriza krahasuar me një natë më parë, duke fituar ekipet e mëdha, përveç Atletico Madrid.
Kështu Real Madrid ka mposhtur përsëri turqit e Galatasaray, kësaj here në shifrat 6-0. Ndeshja është zgjidhur që në pjesën e parë. Rodrygo dy herë, Ramos me penallti dhe Benzema realizon në 45 minutat e para. Por Benzema realizoi në fundin e ndeshjes sërish, ndërsa Rodrygo kompletoi tripletën.
Me këtë rezultat, madrilenët thuajse kalojnë grupin, por vendin e parë e blindon PSG, që fiton 1-0 ndaj Club Brugge, me belgët që humbasin penallti. Golin e vetëm për parizienët e shnoi Icardi në pjesën e parë.
Tottenham ka shpërthyer në Beograd ndaj Crvena Zvezdas, duke fituar 4-0 dhe tashmë shanset për vendin janë shumë të mëdha. Gjithcka e kanë vetë në dorë anglezët.
Atalanta merr pikën e parë në Champions, duke barazuar 1-1 me Manchester City. Historike për italianët, ndërsa anglezët nuk rrezikojnë. Po në këtë grup, Dinamo Zagreb barazon 3-3 duelin direkt me Shakhtar Donetsk dhe mes këtyre dy skuadrave gjithcka mbetet e hapur për vendin e dytë.
Bie Atletico e Madridit, që humb 2-1 në Gjermani ndaj Leverkusen. Spanjollët mbesin në vend të dytë dhe mund ta rrezikojnë këtë pozicion, pasi kanë ndeshje me Juventusin në Torino.
VAZHDO TË LEXOSH MË TEPËR PËR TEMËN
Ngec Barça, historike për Slavian në “Camp Nou”
Bayern perfekt në Champions, Juve triumfon në limit
