Kategoria e Parë ka luajtur javën e tetë, ku ka pasur edhe përballje direkte. Në sy bie fitorja e Kastriotit në Grupin A kundër Korabit në Peshkopi, teksa krutanët tashmë shkëputen në krye.
Krutanët fituan me rezultatin 0-1, me golin e shënuar nga Ajazi në minutën e 53-të të ndeshjes dhe tashmë janë të qetë në krye. Ndërkaq, Dinamo nuk ka mundur dot të marrë tre pikët kundër Veleçikut, pasi ka ngecur në një barazim 1-1.
Erzeni nga ana tjetër ka marrë trepikëshin kundër Besëlidhjes, pasi ka fituar me rezultatin e ngushtë 1-0. Xhixhiua ishte autori i golit. Gjithashtu Burreli ka mundur Tërbunin, ndërsa Shkumbini ka barazuar pa gola me Egnatian.
GRUPI A
SHKUMBINI-EGNATIA 0-0
BURRELI-TËRBUNI 1-0
(Stana 14′)
DINAMO-VELEÇIKU 1-1
(Celiku 70’/ Toma 67′)
ERZENI-BESËLIDHJA 1-0
(Xhixhiua 89′)
KORABI-KASTRIOTI 0-1
(Ajazi 53′)
Nuk kanë munguar rezultatet surprize në Grupin B! Iliria e Fushë-Krujës mposhti me rezultatin 2-0 Lushnjën, duke e zbritur nga froni skuadrën e Ilir Gjylës, teksa kryesimin e ka marrë Pogradeci i Abazajt.
Liqenorët mposhtën Turbinën me rezultatin 0-1, falë penalltisë së shënuar nga Jahaj. Në sfidat e tjera, Apolonia dhe Besa triumfuan bindshëm në shtëpi, ndërkohë që përballja mes Shënkollit dhe Elbasanit u mbyll në barazim 1-1.
GRUPI B
TURBINA-POGRADECI 0-1
Jahaj 79′ (p)
ILIRIA-LUSHNJA 2-0
Alushi 43′ (autogol), Haxhiu 56′
SHËNKOLLI-ELBASANI 1-1
Gruda 31′ / Balla 70′
APOLONIA-ORIKU 3-0
Mihana 41′ , Omeri 54′ , Mehmeti 69′
BESA-DEVOLLI 3-0
Cara 29′ , Onuh 61′, 74′
