MENU
klinika

Të ardhurat për familjet e prekura

Tërmeti, Partizani: Derbin ta luajmë për bamirësi

28.11.2019 - 13:38

Në kuadër të ndihmës për të prekurit nga tërmeti, Klubi i Partizanit po mendon që të ardhurat nga biletat për ndeshjen e javës së 15-të ndaj Tiranës të shkojnë për familjet në nevojë që u prekën nga tërmeti apokaliptik.

Sipas “Panorama Sport”, duket se drejtuesit e klubit të kuq kanë vendosur të solidarizohen pas goditjes së madhe që morën mijëra familje në Durrës, Thumanë dhe zonat afër kryeqytetit.

partizani -tirana 2-1
partizani -tirana 2-1

Drejtuesit ia kanë komunikuar këtë vendim edhe vetë FSHF-së dhe kjo nismë solidarizuese është mirëpritur nga institucioni i futbollit. Por, një prej kërkesave të Partizanit ka qenë që ndeshja të zhvillohet në stadiumin e ri, “Air Albania”, pa pasur një kosto.

Duke qenë se Partizani do të dhurojë të gjitha të ardhurat nga biletat, ka kërkuar që edhe FSHF të bëjë një lëshim në këtë rast, duke lejuar klubin të shfrytëzojë stadiumin për një ndeshje pa paguar shifrën që do të vendosë bordi drejtues i “Air Albania”-s.

tirana partizani 0-1
tirana partizani 0-1

Mësohet se fillimisht në FSHF janë stepur disi, por në komunikimet e vazhdueshme, është hapur një dritë jeshile edhe për këtë kërkesë. Sektori i garave në FSHF, në bashkëpunim me klubet dhe platformën “SupeSport” kishte vendosur që ndeshja të luhej të enjten në orën 20:00 në stadiumin e ri.

Mirëpo, tragjedia e dy ditëve më parë, pas tërmetit të fuqishëm, detyroi institucionin e futbollit të shtyjë të gjitha kampionatet. Në këto kushte, ende nuk dihet se kur mund të luhet derbi.

VAZHDO TË LEXOSH MË TEPËR PËR TEMËN


Prekëse nga “Ballistët” e "Shvercerat"

“Zemra më djeg, kur të shoh në zi…”