Për edicionin e 70-të, Festivali ndërkombëtar i filmit në Berlin ka publikuar posterat e takimit të 2020-ës. Çfarë bie në sy, është mungesa e figurës kryesore, simbol i qytetit – ariun.
Ndryshe nga vitet e mëparshme, dizenjuesit kanë zgjedhur shkronjën “B” në sfondin e numrit 70, të festivalit.
Mbrëmja festive, do të presë yje ndërkombëtare dhe regjisorët, prej datës 20 shkurt deri më 1 mars 2020, nën drejtimin e Carlo Chatrianit nga Italia dhe Mariette Rissenbeekut, nga Hollanda.
“Berlinalja e 70-të, duhet të jetë një fillim për zgjerimin e shkëmbimit me vende dhe institucione të tjera kulturore,” – kanë deklaruar ata, duke njoftuar publikimin e posterave të rinj.
Organizatorët shprehen se, festivali i vitit 2020, do të shënojë bashkëpunime të reja me kinematë, Filarmoninë e Berlinit dhe Akademinë gjermane të Filmit. Disa prej shfaqjeve të filmave, koncerteve, tryezave të diskutimit, apo ekspozitave janë caktuar për në muajin shkurt.
VAZHDO TË LEXOSH MË TEPËR PËR TEMËN
‘’Delegacioni’’, filmi që nis rrugëtimin ndërkombëtar
“Babai”, rikthimi i Reshat Arbanës
‘Balkanika’ fitohet nga rumuni Eugen Uricaru
