MENU
klinika

Çfarë do të bëjë kompania?

Google/ Gjobë prej 150 milionë euro

22.12.2019 - 15:59

Autoriteti i Konkurrencës në Francë e gjobiti kompaninë Google me 150 milionë euro për, siç tha, sjellje anti-konkurruese dhe reklama të paqarta.

Rregullat për platformën e reklamave në Google nuk janë transparente dhe janë të vështira për t’u kuptuar, thanë autoritetet franceze.

Gjoba vjen në kohën kur Franca dhe vendet e tjera evropiane kanë rritur kontrollet ndaj kompanive amerikane të teknologjisë, të tilla si Google, Facebook, Apple dhe Amazon, të cilat shpesh kritikohen për pagesë relativisht të ulët të taksave.

Në muajin shtator, gjiganti i kërkimeve në internet, Google, është pajtuar t’iu paguajë autoriteve franceze gati një miliard euro, për një mashtrim fiskal që ka nisur katër vjet më parë.

Isabelle de Silva, udhëheqëse e Autoritetit francez të Konkurrencës, tha se dominimi i Google në reklamat online është “i jashtëzakonshëm”.

Sipas saj, kompania amerikane kontrollon 90 për qind të tregut në këtë fushë. Google tha se do ta apelojë gjobën.

VAZHDO TË LEXOSH MË TEPËR PËR TEMËN


Humbasin fitimet e 2018

“Bien” Google dhe Apple