Pablo lindi me një buzë dhe qiellzë të çarë. Ai është një djalë i vogël i guximshëm dhe i fortë, i cili po shndërrohet në një model të mrekullueshëm për fëmijët e tjerë me këtë gjendje.
Nëna e tij, Bela, ndan historinë e tij me ne.
Pablo është një pako energjie. Ai mund të kalojë orë të tëra duke luajtur me Legos-in e tij. Ai i do lojrat video, të luajë me biçikletë dhe të kujdeset për qenin e tij. Në shkollë, lëndët e tij të preferuara janë Edukimi dhe Matematika. Ai ka një personalitet vërtet argëtues, por mund të jetë edhe djallëzor. Një ditë solli në shtëpi një libër nga biblioteka e shkollës me titullin: “Si të çmendim motrën”.
Por, edhe pse e ngacmon motrën e tij të madhe, ai beson se ajo di gjithçka dhe gjithmonë i kërkon asaj që t’i shpjegojë gjërat.
Aq sa i njëjtë është me fëmijët e tjerë, aq është edhe i ndryshëm. Ai lindi me një buzë dhe qiellzë të çarë. Gjatë shtatzanisë, gajtë një vizite më thanë që fëmija ishte djalë dhe se kishte paaftësi. Sidoqoftë, ishte e vështirë për të dëgjuar atë lajm. Ndërsa isha ende shtatzënë, më duhej të shihja shumë specialistë dhe të merrja aq shumë informacion saqë më mërzitën dhe depresionuan.
Shumë njerëz besojnë se fëmijët si Pablo kanë nevojë vetëm për operacione plastike për të qenë në rregull.
Në varësi të ashpërsisë së çarjes, këta fëmijë shohin edhe specialistë të tjerë. Në rastin e Pablos, ne filluam me një terapist profesional dhe një logopedist (të cilin ai ende e sheh çdo javë). Ne gjithashtu takohemi rregullisht me një patolog të të folurit, si dhe me një mjek veshi, hunde dhe fyti, një dentist, një ortodont dhe një kirurg plastik.
Në moshën pesë vjeçare, Pablo bëri operacione të shumta në tubin e veshit dhe procedurat dentare që kërkonin që ai të ishte në gjumë. Kur ishte më i vogël, ishin veshët ata që më shqetësuan më së shumti, por tani është puna ortodontike. Ai është i guximshëm dhe i fortë, por në moshën e tij, ai nuk i pranon mirë të gjitha procedurat dhe trajtimet mjekësore.
Dhe kur ai ndjehet i irrituar dhe me dhimbje, ai shpesh më fajëson mua. Por, gjithashtu ka filluar të kuptojë se të gjithë mjekët e tij të mrekullueshëm duan më të mirën për të. Kjo pjesë më bën të lumtur. Pablo po fillon të bëjë pyetje te mjekët, dhe ai po fillon të pyes për opsionet.
E di që një ditë ai do të jetë një model i mrekullueshëm për fëmijët e tjerë me buzë dhe qiellzë të çarë. Dhe më pëlqen ta shikoj atë të rritet dhe parashikoj njeriun që ai do të bëhet në të ardhmen.
VAZHDO TË LEXOSH MË TEPËR PËR TEMËN
‘Inseminimi intrauterine’/ Si të mbeteni shtatëzënë!
Infeksionet dhe defektet e lindjes
Kujdes ekspozimin e fëmijës ndaj këtyre çrregullimeve
