27.12.2019 - 15:49
Presidenti në detyrë i Kosovës Hashim Thaçi ka ftuar sërish liderin e Lëvizjes Vetëvendosje Albin Kurtin në takim konsultativ.
Ftesa e Thaçit bëhet për formimin e qeverisë së Kosovës. Hashim Thaçi ka ftuar Kurtin për takim, sot në orën 20.00.
Kjo është ftesa e dytë që Thaçi i ka bërë Albin Kurtit gjatë ditës së sotme. Kurti refuzoi të takojë Thaçin në zyrë, kur ky i fundit e ftoi në orën 13.00.
Kreu i shtetit të Kosovës Hashim Thaçi ka shkruar në rrjetet sociale se duhet të formohen sa më shpejt institucionet e vendit.
“Unë përsëri u bëj thirrje të gjithëve të tregojnë udhëheqje dhe të mos vonojnë formimin e Qeverisë së re të Republikës së #Kosovës. Populli dhe aleatët tanë presin më shumë”, ka shkruar presidenti.
VAZHDO TË LEXOSH MË TEPËR PËR TEMËN
Nuk ndodhet në Prishtinë
Albin Kurti refuzon ftesën e Hashim Thaçit për takim
Por s'ka votat!
Thaçi mandaton sot Kurtin si kryeministër
Deputeti i Vetëvendosjes akuzon
‘Thaçi po ia shet Kosovën Serbisë’
Vizita e Thaçit në Ujman
