Kryeprokurori Olsian Çela, këtë mëngjes ka zhvilluar një vizitë te Prokuroria e Krimeve të Rënda, e cila ka filluar transferimin e dosjeve te SPAK-u, pasi do të shkrihet.
Çela vlerësoi punën e prokurorisë së Krimeve të Rënda, ku shërbeu për 17 vite duke e cilësuar si një prokurori suksesi, që ndryshoi imazhin e vendit dhe rriti besimin me partneret e huaj përsa i përket hetimit të krimit të organizuar.
“Rezultatet e prokurorisë së Krimeve të Rënda sollën qëndrimin pozitiv të ndërkombëtarëve në raport me qasjen e tyre për futjen e Shqipërisë në NATO dhe organizma të tjera të BE”- tha Çela.
Gjithashtu Kryeprokurori i ri, falenderoi të gjithë prokurorët që shërbyen në këtë prokurori dhe u uroi suksese atyre që do jenë pjesë e SPAK-ut. Në fund të takimit Çela bëri dhe një foto të përbashkët me të gjithë trupën e prokurorëve të Krimeve të Rënda.
Pas marrjes së detyrës së Prokurorit të Përgjithshëm, Olsian Çela firmosi udhëzimin e parë që u kërkon prokurorëve të Krimeve të Rënda si dhe të prokurorëve të juridiksionit të përgjithshëm për të identifikuar, inventarizuar dhe transferuar dosjet, sipas kompetencës, në Prokurorinë e Posaçme, SPAK.
VAZHDO TË LEXOSH MË TEPËR PËR TEMËN
Kryeprokurori/ KLP shtyn mbledhjen, zbardhet shkaku
Prokurori i ri i Përgjithshëm, të hënën KLP miraton listën
Kryeprokurori Çela: Mos kurseni askënd në hetime
