Kampi i Aushvicit ka hyrë në histori, si më i tmerrshmi kamp i vdekjes. Më 27 janar të vitit 1945, ushtarët e armatës së kuqe hynë në kampin më të madh të shfarosjes masive. Sovjetikët zbuluan rreth 7 mijë persona ende të gjallë, brenda kampit.
Nga viti 1940 deri në 1945 të paktën 1,1 milion persona kanë vdekur në Aushvic, 960.000 prej të cilëve burra, gra dhe fëmijë hebrenj, të shpërngulur nga vendet e Evropës së pushtuar nga nazistët. Në këtë kamp u vranë gjithashtu 75 mijë polakë, 21 mijë ciganë dhe 15 mijë rusë.
Më parë një kamp përqendrimi për 10 mijë persona, Aushvici u shndërrua në fabrikën e shfarosjes masive. Me shtrirjen prej tre kilometrash, kampi i përqëndrimit u pajis me dhoma gazi, të lidhura me krematoriumet. Gjatë operacionit për çlirimin e kampit, humbën jetën 230 ushtarë sovjetikë.
Fotografitë e mëposhtme, dokumentojnë ngjarjen më të rëndë kundër njerëzimit:
VAZHDO TË LEXOSH MË TEPËR PËR TEMËN
Merkel në Aushvic: Më vjen turp për krimet e Gjermanisë
A e ka harruar bota Aushvicin?
