NBA vijon në dy konferencat me spektakël dhe emocione. Skuadra e San Antonio ka triumfuar 126-104 ndaj Milwaukee, një rezultat disi surprizë, teksa është ndalur ekipi më i mire në NBA.
Spursat e dominuan ndeshjen dhe e merituan fitoren, me DeRozan që realizoi 25 pikë, mbështetur edhe nga Mills me 21 pikë. Për Bucks u dallua Antetokounmpo, që realizoi 24 pikë e 12 rebound, por që mbetën për statistikë.
Fiton edhe ekipi i Sacramento, që mposhti 111-98 nënkampionët e Golden State, me Hield dhe Fox që realizuan nga 21 pikë secili.
Denver Nuggets vijon të qëndrojë në grupin e ekipeve elitë në Konferencën e Perëndimit, duke fituar 123-115 ndaj Atlanta. Ndeshje e jashtëzakonshme për Nikola Jokic, që realizoi 47 pikë, i papërmbajtshëm në parket.
Ekipi i Dallas, falë një “triple double” të Luka Doncic (38 pikë, 11 rebound e 10 asist), mposhti 118-110 Chicago. Fitore të vështirë kori skuadra e Washington, që mundi 99-94 Boston (Smith 27 pikë), ndërsa Philadelphia triumfoi 120-113 ndaj Oklahoma (Richardson 23 pikë).
VAZHDO TË LEXOSH MË TEPËR PËR TEMËN
