Mund të luash mirë, por nuk është e thënë të fitosh. Kjo i ka ndodhur Napolit, që edhe pse ka dominuar në “Olimpico” ndaj Lazios, një gabim i portierit u ka dhënë fitoren 1-0 vendasve.
Me Strakoshën në portë si titullar për Lazion dhe Hysajn për Napolin, pjesa e parë ka përfunduar pa gola. Pjesa e dytë ishte shumë e luftuar, me Napolin që kishte dhjetëra raste, por portieri ynë i tha “jo” golit.
Për të ardhur në 82’. Hysaj kthen një top te portieri Ospina, që mban më shumë topin se ç’duhet, përfiton Immobile dhe mbrojtësi e plas në portë. Goli i 20 i Immobiles në këtë sezon, më shumë se çdokush tjetër në 5 kampionatet elitare në Europë.
Në minuta e fundit Napoli bëhet edhe më konfuz, ndërsa Strakosha bën edhe një superpritje. Lazio fiton dhe vijon marshimin, duke “blinduar” vendin për Champions, çka është edhe objektivi kryesor.
