Tërmeti i 26 Nëntorit, pavarësisht pasojave që la si në njerëz dhe në ndërtesa, nuk ishte goditje përfundimtre për ekonominë.
Si çdo fillim viti Banka Botërore publikoi projeksionet për të gjitha ekonomitë e botës, dhe një rishikim të rritjes ekonomike, që prej tërmetit të datës 26 nëntor.
Për BB, rritja ekonomike këtë vit do të jetë në 3.4%, nga 2.9% që vlerësohet viti 2019. Krahasuar me projeksionin e mëparshëm, rritja është shkurtuar me 0.3 pikë përinqdje, gjë që mund të ketë shumë pak, ose aspak lidhje me tragjedinë e 26 nëntorit dhe pasojat që pritet të prodhojë ajo ngjarje.
Shkurtimi i projeksioneve krahasuar me qershorin mund të jetë edhe rrjedhojë e kushteve të jashtme, kryesisht ngadalësimit të ekonomisë globale, e veçanërisht asaj të eurozonës, gjë të cilën Banka Botërore e evidenton si një rrezik për rajonin.
Edhe për Kosovën projeksionet janë shkurtuar në të njëjtën masë me 0.3 pikë përqindje. Ndërkohë, edhe për vitin e ardhshëm projeksionet janë shkurtuar lehtë, me 0.2 pikë përqindje, dhe rritja parashikohet në 3.6%, si dhe në 3.5% përgjatë 2022.
Shqipëria projektohet si ekonomia e tretë në rajon në terma të rritjes ekonomike këtë vit, pas Kosovës dhe Serbisë.
Sa i përket vitit 2019, Banka Botërore, ashtu si të gjitha institucionet e tjera me radhë, ka rishikuar rritjen me 0.8 pikë përqindje, që është rrjedhojë e prodhimit më të ulët energjetik krahasuar me vitin paraardhës, ngadalësimit të efektit të dy projekteve madhore, Tap dhe Devolli, si dhe ngadalësimit të partnerëve kryesorë, veçanërisht Italisë.
VAZHDO TË LEXOSH MË TEPËR PËR TEMËN
A ‘dëmtohen’ investimet nga fondi për rindërtimin?
Banka e Shqipërisë miraton Strategjinë e Zhvillimit
Banka e Shqipërisë miraton buxhetin 2020
