Ndeshja derbi kryesore në NBA e Los Angeles mes Lakers dhe Clippers është shtyrë për shkak të tragjedisë së Kobe Bryant, por ndërkohë janë luajtur ndeshjet e tjera.
Skuadra e Milwaukee Bucks, kryesuese e renditjes në Konferencën e Lindjes, fitoi 151-131 ndaj Washington, në një ndeshje spektakolare me 282 pikë në total.
Ndeshje e mirë e Middleton, që realizoi 51 pikë, ndërsa Bledsoe e mbylli me 36 pikë e 10 rebound. Mirë u paraqit edhe Beal për miqtë, me 47 pikë, por që mbetën për statistikë.
Skuadra e Philadelphias fitoi 115-104 ndaj Golden State, sfidë e dominuar nga vendasit. Në këtë takim, ylli i NBA-së, Joel Embiid luajti me fanellën nr.24 në nder të Kobe Bryant, duke realizuar fiks 24 pikë, më i miri në fushë.
Fiton edhe ekipi kampion i Toronto Raptors, që mundi 130-114 Atlanta, ndeshje ku diferencën për kanadezët e bënë Siakam e Ibaka, me nga 24 pikë secili.
Surprizë humbja e Denver Nuggets, që u mund 104-96 nga Memphis, duke humbur disi kontaktun me kreun në Konferencën e Perëndimit, ku kryeson Los Angeles Lakers.
VAZHDO TË LEXOSH MË TEPËR PËR TEMËN
Dy ide për të përjetësuar Kobe Bryant
