Presidenti Donald Trump do të vijojë të jetë presidenti i 45-të i Shteteve të Bashkuara të Amerikës.
Me një votim historik në Senatin amerikan nuk u aprovua asnjë nga dy akuzat e ngritura ndaj kreut të Shtëpisë së Bardhë për abuzim pushteti lidhur me çështjen “Ukrainagate” dhe akuzat e dytë për pengim të procesit të hetimit në Kongres.
Sikundër pritej në Senatin e kontrolluar nga republikanët senatorët për akuzën e parë votuan 52 kundër shkarkimit të Donald Trump dhe 48 vota pro.
Dhe vetëm një republikan votoi kundër presidentit. Ai ishte ish-kandidati për president Mitt Romney senator në Utah. Gjatë fjalimit të tij në senat Romney u shpreh se Trump ishte fajtor pasi ka abuzuar me besimin e popullit.
Edhe për akuzën e dytë pengim i procesit të hetimit u votua 53 vota kundër dhe 47 pro shkarkimit të presidentit.
Gjyqi politik i të mërkurës i jep fund procesit 5 mujor të kërkuar nga Dhoma e Përfaqësuesve, sipas të cilëve, Presidenti i Shteteve të Bashkuara të Amerikës, Donald Trump ka abuzuar me pushtetin duke ushtruar presion mbi Ukrainën për të kërkuar hetim mbi ish- zvpresidentin Joe Biden dhe djalin e tij.
Pas përfundimit të gjyqit në senat dhe ku Donald Trump u shpall i pafajshëm, kryetarja e Dhomës së Përfaqësueve Nancy Pelosi u shpreh se Trump mbetet “një kërcënim i vazhdueshëm për demokracinë Amerikane” dhe se republikanët e Senatit kishin “normalizuar paligjshmërisë”.
Kreu demokrat i Senatit, Chuck Schumer tha se gjithmonë do të ketë “një yll gjigand pranë shkarkimit të presidentit”.
Pas vendimit të Senatit 73-vjeçari reagoi në rrjetin social “twitter” duke postuar një video duke dhënë sinjale se ai është gati për zgjedhjet e ardhshme presidenciale dhe gati për një mandate të dytë. “Trump foverever”, shkruhet në postimin e tij.
Donald Trump do të hyjë në historinë e SHBA si presidenti i tretë, i cili është përballuar me një gjyq për shkarkim në Senat dhe ku u shpall i pafajshëm.
VAZHDO TË LEXOSH MË TEPËR PËR TEMËN
“Trump mund të jetë në burg në 2020”
“Trump mund të akuzohet kur të mos jetë më president”
A do të ndëshkohet ndonjëherë Trump?
