Ish-kryeministri Ramush Haradinaj ka bërë të ditur se ka takuar sekretarin amerikan të shtetit, Mike Pompeo me të cilën kanë diskutuar për aktualitetin politik dhe rolin e Kosovës në rajon.
Haradinaj në një postim në rrjetin social Facebook shkruan se Kosova ka treguar se është në krah të Amerikës dhe partneri më besnik i saj.
Postimi i Haradinaj në Facebook:
“I nderuar që gjatë lutjeve të mëngjesit të ndajë tavolinën me Sekretarin e Shtetit, Mike Pompeo.
Me Sekretarin Pompeo diskutuam për aktualitetin politik dhe rolin e Kosovës në rajon e më gjerë. Kosova ka treguar se është në krah të Amerikës dhe partneri më besnik i saj në të gjitha aspektet globale si ato të sigurisë, ekonomike, politikës së jashtme dhe paqes e demokracisë.
Sekretarin Pompeo e sigurova se ne qëndrojmë të palëkundur në besimin se Kosova dhe SHBA përveç interesave të përbashkëta strategjike ndajnë edhe sistemin e vlerave të lirisë e demokracisë.
Zoti e bekoftë Kosovën, Zoti i bekoftë Shtetet e Bashkuara të Amerikë”.
VAZHDO TË LEXOSH MË TEPËR PËR TEMËN
Haradinaj-Kurtit: Mos ia hiq taksën Serbisë
‘Taksa 100% nuk do të jetë e vetmja masë’
‘Pas liberalizimit të vizave, nuk do të ik askush’
