Për këdo që nuk e njeh fort mirë pikturën, “Mona Liza”, që do të shfaqet së fundmi, në një ankand në qendrën “Sotheby’s”, javën e ardhshme, është e padallueshme nga origjinali në Luvër. Detaji i vetëm dallues, që e bën atë të ndryshme nga vepra e Da Vinçit, janë kolonat e pikturuara në anët e pikturës. Një detaj tjetër më i dallueshëm është çmimi i saj.
E pikturuar rreth viteve 1600, më shumë se një shekull pas vdekjes së piktorit të origjinales, kjo vepër do të shitet në ankand me çmimin fillestar prej 60,000 deri në 80,000 dollarë. Po ashtu dhe 6 kopje të tjera të kryeveprave botërore do të jenë në shitje. Ndër to “Meduza” e artistit Caravaggio.
Kopjet mund të cilësohen si pjesë e botës së mashtrimeve në art, por ka shumë arsye pse koleksionuesit e veprave do të dëshironin t’i zotëronin ato.Sipas Kristofer Apostël, shefit të departamentit “Old Masters” në qendrën “Sotheby’s”, historikisht kopjet e kryeveprave nuk janë parë si negative.
Në ndryshim nga opinioni i sotëm për to, koleksionuesit gjithmonë kanë pasur disa kopje të së njëjtës vepër; në mënyrë që të mund t’i shfaqnin ato në banesa, ndërkohë që origjinali qëndron i sigurt dhe i mbrojtur nga aksidentet e mundshme. Disa kopje madje janë të krijuara nga vetë nxënësit e artistëve të mëdhenj dhe shumë shpesh një e tillë mund t’ia kalonte paraardhëses.
Për më shumë, vizitoni: www.konica.al
VAZHDO TË LEXOSH MË TEPËR PËR TEMËN
Andy Warhol, gjeniu që modeloi artin
500 evente për 5 shekujt
A kishte qenë poeti i çmendur?
