Kanë përfunduar ndeshjet e grupit B të Kategorisë së Parë. Apolonia ka bërë një hap fals, ku është ndalur në barazim 1-1 nga Devolli në Fier, duke humbur terren me ndjekësit.
Nga barazimi i Apolonisë përfiton në maksimum Pogradeci, që mundi Besën me rezultatin 0-2 dhe barazoi Apoloninë në krye. Të dy ekipet numërojnë nga 36 pikë.
KATEGORIA E PARË, GRUPI B
Apolonia-Devolli 1-1
42′ Hasanaj / ’46 Gjata
Shënkolli-Oriku 0-1
12′ Kuqi
Iliria-Elbasani 0-1
2’ Balla
Turbina-Lushnja 0-0
Besa-Pogradeci 0-2
53’ Alillari. 60′ Shyti
Nga ana tjetër, Lushnja nuk ka arritur të marrë më shumë se një barazim pa gola në Cërrik ndaj Turbinës, duke mos arritur të mbajë ritmin e dy vendeve të para.
Fije shprese për qëndrimin ka Elbasani pas fitores së sotme kundër Ilirisë. Për verdheblutë ka vendosur goli i shënuar në minutën e dytë nga Kejdi Balla. Ndërkohë, kundërshtari direkt i Elbasanit për mbijetesën, Shënkolli ka pësuar humbjen e radhës, duke u mundur minimalisht nga Oriku.