Serbia, sikurse raportojnë mediet vendase, ka dekoruar shkrimtarin austriak laureat i çmimit “Nobel” në letërsi, Peter Handke. Autoritetet kanë vlerësimin maksimal, për “kontributin e jashtëzakonshëm në përfaqësimin e Serbisë, në sferën kulturore”. Ky akt, pritet të ngjallë reagime në vendet fqinje të Serbisë, për shkak të përkrahjes së shkrimtarit për “kasapin e Ballkanit”, Sllobodan Millosheviç.
“Për Serbinë, ai është një mik i vërtetë, çfarë e ka dëshmuar edhe gjatë momenteve më të vështira”, – ka thënë kreu i komisionit të vlerësimit, Sima Avramoviç.
“Ai e mbrojti me gjithë zemër të vërtetën serbe edhe atëherë kur kjo, i shkaktoi shumë mosmarrëveshje dhe shqetësime, pasi fitoi çmimin ‘Nobel”, – ka shtuar, Avramoviç.
Vendimi i akademisë suedeze për t’i akorduar çmimin prestigjioz këtij shkrimtari, ishte kritikuar ashpër nga disa shtete dhe nga shumë figura të njohura, sipas “Free Europe”.
Në shenjë proteste, ceremonia e dhurimit të çmimit ishte bojkotuar nga Kosova dhe Bosnja e Hercegovina. Peter Handke është akuzuar për justifikimin e krimeve të Millosheviçit, në Ballkan.
Për më shumë lajme vizitoni www.konica.al
VAZHDO TË LEXOSH MË TEPËR PËR TEMËN
“Nobeli? Peter Handke lindi dhe u rrit në kufi me Jugosllavinë!”
Autoritetet austriake: Peter Handke nuk ka kërkuar leje!
