24.02.2020 - 19:47
Një nga ato tortat e shëndetshme ama. Hidhi një sy recetës së radhës!
INGREDIENTËT
- 1 kg spinaq
- 4 patate te ziera
- 200 gram rikota
- 150 gram kërpudha
- 150 gram djath gouda
- 2 thelpinj hudhër
- 1 tufë majdanoz
- vaj ulliri
- kripër, piper
- pak rigon
UDHËZIMET
- Në dy tenxhere veç e veç ziejmë patatet dhe spinaqin.
- Pasi patatet të ziejnë i qërojmë dhe i shtypim për t’i bërë pure. Ndërkohë që spinaqin e shtrydhim mirë me dorë derisa t’i ikë komplet uji.
- Tek tasi ku kemi bërë pure patatet, shtojmë kripë, piper, majdanoz, rigon, vaj ulliri dhe e përziejmë mirë.
- Merrni një tavë ( mundësisht rrumbullake) dhe shtroni në të purenë e patateve.
- Tek ena ku keni spinaqin e grirë imët, shtoni rikotën, hudhrat e copëtuara, kërpudhat. I përzieni mirë dhe shtroni gjysmën tek tava. Përhapeni mirë.
- Shtoni djathin gouda. Tani shtoni pjesën tjetër të mbetur të spinaqit.
- Në fund shtoni djathë. E fusni në furrë tortën e kripur për 30 minuta në temperaturë 180 gradë. Ju bëftë mirë.
