27.02.2020 - 16:42
Receta për: 4 persona
Sekreti i kësaj tave të thjeshtë, por shumë të shijshme qendron tek erëzat. Detajet jua thotë receta, prandaj mos nguroni t’i hidhni një sy!
INGREDIENTËT
- 5 patate të mëdha
- 1 tufë majdanoz e grirë imët
- Për salcën: 1 lugë gjelle vaj ulliri
- 1 filxhan qumësht
- ¼ filxhan me ujë
- 1 lugë gjelle me miell
- 2 lugë gjelle lëng limoni
- Pak kripë për shije
UDHËZIMET
- Qëroni patatet dhe i prisni në feta të holla rrumbullake.
- I radhisni në një tavë sipër njëra tjetrës.
- I shtoni sipër pak kripë dhe majdanoz.
- Pasi i keni përzierë pak me duar, i shtoni sipër salcën.
- Tani i fusni në furrë për 30-35 minuta derisa patatet të zbuten tërësisht. Shijojini të ngrohta!
