Për dy muaj me radhë, Arilena Ara ka punuar në një prej studiove më të mira në Los Angeles për versionin në anglisht të këngës “Shaj”, me të cilën u shpall fituese e “Festivalit të RTSH-së”.
Këngëtarja po përpiqet që të na përfaqësojë denjësisht dhe ka luftuar për ta përshtatur sa më mirë këngën e saj në anglisht, për t’i lënë përshtypjen e duhur publikut të huaj. Tashmë, “Shaj” e ka një titull zyrtar në anglisht, i cili në fakt na bëri përshtypje. Siç vetë Arilena e ka konfirmuar, kënga e saj në anglisht do të titullohet “Fall from the sky”.
Ky ndryshim ka ngritur pikëpyetje tek ndjekësit, të cilët po pyesin veten ç’ndodhi me “Shaj” apo nëse është një këngë e re.
“Fall from the sky” ende nuk është publikuar në kanalizin zyrtar të “Eurovision”, ndërsa mbetet të presim për të dëgjuar versionin anglisht të këngës, si dhe të shohim videoklipin e realizuar në Hollandë.
Arilena do të performojë në “Eurovision” në gjysmën e dytë të natës së dytë gjysmëfinale, në Rotterdam.
VAZHDO TË LEXOSH MË TEPËR PËR TEMËN
Arilena Ara kapet “mat”, në jaht me një djalë misterioz
Arilena Ara do të na përfaqësojë në Eurovision!
Pse Arilena Ara u largua drejt SHBA-së?
