Ambasada e SHBA-së në Serbi, ka ngritur shqetësimet e saj lidhur me furnizimin me pajisje ushtarake ruse.
Serbia vazhdon të blejë armë nga Rusia pavarësisht paralajmërimeve të SHBA-së dhe BE-së.
Ambasada e ShBA-së edhe njëherë ka bërë thirrje t’i ndalë transaksionet me Moskën, sepse mund të shkaktojë tensione.
“Ne i bëjmë thirrje të gjithë aleatëve dhe partnerëve tanë që të heqin dorë nga transaksionet me Rusinë që rrezikojnë të iniciojnë sanksione nën opozitën e Sh.B.A. përmes Aktit të Sanksioneve (CAATSA). Ne kemi shprehur vazhdimisht shqetësimin për blerjen e pajisjeve ushtarake ruse në Serbi, përfshirë blerjen e planifikuar të sistemit Pancir”, thuhet në përgjigjen e Ambasadës.
Ambasada shkruan se Shtetet e Bashkuara dhe Rusia kanë “vizione shumë të ndryshme për të ardhmen e Ballkanit Perëndimor”.
“Uashingtoni mbështet fuqimisht rrugën evropiane të Serbisë dhe qëllimin e saj për anëtarësim në BE”, dhe nga ana tjetër, “Moska kundërshton në mënyrë aktive integrimin perëndimor të rajonit dhe kërkon të parandalojë tensionet etnike, të margjinalizojë ndikimin e SHBA dhe BE, dhe të ngadalësojë ose parandalojnë vendet e Ballkanit Perëndimor të ndjekin orientimin e tyre të pavarur “, shkruan Ambasada e SHBA në Serbi.
Ndryshe, më 4 mars, presidenti serb Aleksandar Vucic konfirmoi se sistemi i raketave që Serbia kishte blerë nga Rusia ishte përfunduar me dorëzimin e katërt të pjesëve të sistemit të armaturave anti-aeroplan (Mbrojtjes Ajrore) të Rusisë.
Ndërkohë, sanksionet e mundshme ndaj Serbisë u përmendën së pari në nëntor 2019 nga përfaqësuesi special i ShBA-së për Ballkanin Perëndimor, Matthew Palmer.
Serbia akoma pret dorëzimin e tankeve T-72 dhe disa automje të blinduara BRDM-2, të cilat i mori si dhuratë nga Rusia, si dhe katër avionë luftarakë të MiG-29s të prodhuar nga Bjellorusia që janë duke u rregulluar në Institutin e Aviacionit Baranovichi.
VAZHDO TË LEXOSH MË TEPËR PËR TEMËN
‘Mbështesim çdo marrëveshje të pranueshme për Serbinë’
‘Rusia po përdor propagandë mashtruese ndaj Kosovës’
