19.03.2020 - 15:09
Receta për: 12 persona
Kanë sasinë e duhur të karbohidrateve, proteinave dhe yndyrnave. Nuk kanë nevojë për pjekje!
INGREDIENTËT
- 2 gota me tërshërë
- ½ filxhan me mjaltë
- ½ filxhan me gjalpë natyral kikiriku
- 1 lugë çaji ekstrakt vaniljeje
- Për mbushjen:
- ½ filxhan me çokollatë të zezë të copëtuar
- 1/3 filxhan me gjalpë natyral kikiriku
UDHËZIMET
- Merrni një tavë me madhësi mesatare dhe shtroni në të një letër pjekjeje.
- Në një tas të madh bashkoni tërshërën, mjaltin, gjalpin e kikirikut, vaniljen dhe përdorni një mikser dore për t’i trazuar të gjitha bashkë.
- Gjysmën e masës e vendosni tek tava dhe e përhapni në të gjithë sipërfaqen e saj duke e ngjeshur mirë me dorë.
- Ndërkohë në një tas të vogël bashkoni copëzat e çokollatës me gjalpin e kikirikut. I fusni në mikrovalë dhe i lini të shkrihen për dy minuta.
- Masën e shtoni sipër tavës dhe e përhapni mirë me një spatul. E fusni tavën në frigorifer për 20 minuta.
- Më pas e nxirrni dhe i shtoni sipër masën tjetër të mbetur të tërshërës.
- Ngjesheni mirë me dorë dhe e prisni në 12 pjesë.
- E fusni sërish në frigorifer edhe për disa minuta të tjera, derisa masa të forcohet.
Më pas mund ta shijoni. Ju bëftë mirë!
