09.03.2020 - 17:50
Receta për: 6 persona
Me këtë recetë me gjasa do i thoni vetes: “Si nuk i kam ngrënë më parë fasulet unë”?
INGREDIENTËT
- 1 lugë gjelle vaj ulliri
- 1 qepë e grirë imët
- 2 thelpi hudhra
- 1 karotë e prerë në copa të vogla
- 6 gota me lëng perimesh
- 1 lugë çaji me trumzë të grirë imët
- ½ lugë çaji me rigon
- 1 lugë çaji me kripë
- ½ lugë çaji me piper të zi
- 1 gotë me fasule të bardha (të pastruara dhe të lara mirë)
- 1 tufë spinaq i larë mirë
- Majdanoz i freskët për servirje
- Djathë parmigiano i grirë për servirje
UDHËZIMET
- Në një tenxhere të madhe me nxehtësi mesatare skuqni qepët me pak vaj. Prisni 3-5 minuta derisa ato të bëhen transparente.
- Shtoni hudhrat, karotat, selinonë, trumzë, rigon, kripë, piper dhe i përzieni të gjitha bashkë për 2-3 minuta.
- Shtoni lëngun e perimeve dhe fasulet. I lini të ziejnë për 15 minuta. Mos harroni se fasulet duhet t’i keni lënë një natë më parë në ujë.
- Tani i shtoni spinaqin e copëtuar gjethe më gjethe.
- I përzieni për 2 minuta dhe i lini fasulet edhe për 30 minuta të tjera në zjarr.
- Në fund i hiqni nga zjarri, i shtoni sipër majdanoz të freskët dhe djathin e grirë parmigiano.
- Fasulet nuk do t’i keni shijuar asnjeherë më parë kaq shumë. Ju bëftë mirë!
