OECD ka zvogëluar parashikimin e saj për rritjen globale. Një krizë e re e refugjatëve po merr formë në kufijtë jug-lindorë të Evropës për shkak të luftimeve në provincën siriane të Idlib. Në një samit dy javë më parë, liderët e BE dështuan të zgjidhnin çështjen e buxhetit të tyre.
Kudo që të shikoni, retë duken në horizontin e Evropës dhe interesat gjermane janë në rrezik.
Megjithatë, udhëheqja nga Berlini po mungon sepse situata e brendshme politike nuk është aspak e mirë. Asgjë nuk do të ndryshojë derisa kancelarja Angela Merkel të largohet.
Për hir të vendit të saj dhe BE-së, ajo duhet të ndryshojë planet e saj dhe të përpiqet që gjithçka të shkojë mire deri në tetor 2021, data e fundit e mundshme për zgjedhjet e ardhshme të Bundestagut.
Për dallim nga shumë demokraci, Republika Federale nuk i lë lehtë të lira kokat e saj të qeverisë. Në 70 vjet, ka pasur vetëm tetë kancelarë.
Merkel, ka qenë në pushtet që nga nëntori 2005. Sidoqoftë, për të gjitha arritjet e saj, formula e saj ka humbur magjinë.
Ajo, sigurisht, nuk mban përgjegjësi për problemet. Erozioni i rendit botëror liberal të udhëhequr nga perëndimi, copëtimi i aleancës SHBA-Evropë dhe pamundësia e BE-së për të marrë kontrollin mbi sfidat e saj ekonomike dhe të politikës së jashtme, i kanë rrënjët në një mori faktorësh, shumë prej tyre larg nga Merkel, politikat e saj dhe stili i udhëheqjes.
Për më tepër, Gjermania është një model prosperiteti dhe stabiliteti për vendet e tjera evropiane.
Sidoqoftë, për shumë nga vështirësitë e Gjermanisë, Merkel duhet të pranojë pjesën e saj të fajit.
Mosmarrëveshjet me AfD po e përçajnë CDU-në. Më 23 shkurt CDU pati performancën më të dobët të parties, në një votim rajonal që nga viti 1951. Rezultati i tmerrshëm e detyroi pasardhësen e Merkel të hiqte dorë.
Gjermania dhe BE kanë nevojë për gjak të freskët në krye. Pasi CDU të zgjedhë drejtuesin e ri, Merkel duhet të përgatitet të heqë dorë nga posti i kancelares, në mënyrë që zgjedhjet e Bundestag të mbahen në fillim të vitit të ardhshëm.
Përkthyer dhe përshtatur nga Financial Times/ konica.al
VAZHDO TË LEXOSH MË TEPËR PËR TEMËN
Rënia e Merkelit dhe e ardhmja e Evropës
“Pasardhësja” e Merkelit: Epoka e saj ka mbaruar
Merkel jep dorëheqjen, Gjermania në ‘ethe’
