06.03.2020 - 15:05
Receta për: 4 persona
Tani ka ardhur koha ta konsumoni më shumë kuskusin, për prakticitetin në përgatitje dhe për vlerat e mira që ka për organizmin tonë!
INGREDIENTËT
- 500 gram kuskus
- 7-8 domate qershi
- 1 kokërr qepë
- 2-3 thelpinj hudhër
- 1-2 speca
- 1 avokado
- 1 tufë majdanoz i copëtuar imët
- 4 kokrra vezë
- Vaj ulliri
- Lëng limoni
- Kripë, piper
- bishta qepësh
UDHËZIMET
- Vendosim fillimisht në zjarr ujë (masa 1 me 2 me kuskusin) të vlojë. Shtojmë tek uji 1 lugë vaj ulliri, kripë dhe piper, e trazojmë dhe hedhim kuskusin.
- E largojmë tenxheren nga zjarri dhe e lemë kuskusin mbuluar me pecetë kuzhine të rrisë volumin për rreth 10-15 minuta.
- Ndërkohë të gjitha perimet i presim në kubikë të vegjël dhe i vendosim në një sallatirere. Pasi kuskusi të jetë gati e shtojmë tek perimet.
- Rregullojmë shijen me vaj ulliri, lëng limoni, kripë dhe piper.
- Ziejmë vezët poshe (surbull) dhe i vendosim në çdo tas sallate që do të servirim.
