18.03.2020 - 16:46
Receta për: 4 persona
Sa të mira që janë. Do i haja në pafundësi!
INGREDIENTËT
- 1 pako penne
- 400 gram karkaleca të pastruar dhe të qëruar
- 2 lugë gjelle vaj ulliri
- 3-4 thelpi hudhra të grimcuara
- Kripë, piper për shije
- ½ tufë spinaq
- 1 ½ gotë qumësht i skremuar
- 1 lugë gjelle miell misri
- 1 lugë gjelle borzilok i grimcuar
- 6-7 pomodorini të ndara përgjysmë
UDHËZIMET
- Në një tenxhere me ujë e kripë vendosni për të zierë si zakonisht makaronat.
- Ndërkohë në një tigan në nxehtësi mesatare skuqni hudhrat me vajin e ullirit.
- Shtoni karkalecat, domatet, borzilokun, pak kripë dhe piper.
- I lini për 5 minuta dhe më pas i lini mënjanë.
- Në të njëjtin tigan shtoni miellin me qumështin dhe e trazoni vazhdimisht në mënyrë që të mos krijohen kokrriza. I shtoni kripë dhe piper.
- I shtoni spinaqin dhe e lini në zjarr edhe për 2 minuta të tjera.
- Tani shtoni pastat, karkalecat dhe i përzieni mirë të gjitha bashkë.
- Shërbejeni të ngrohtë nëpër pjata dhe shijojeni!
