20.03.2020 - 18:29
Receta për: 6 persona
E thjeshtë për t’u bërë, plot shije të mirë!
INGREDIENTËT
- Për salcën e sallatës:
- ½ filxhan me uthull balsamike
- ½ filxhan me vaj ulliri ekstra të virgjër
- 1 lugë gjelle mjaltë
- 1 lugë gjelle mustardë
- Pak kripë, piper
- 3 thelpi hudhra të grimcuara
- Për sallatën:
- 1 pako pasta penne ose farfalle
- 6-7 domate qershi të ndara përgjysmë
- ½ qepë e kuqe e prerë në rrathë të vegjël
- 12 toptha mozzarella
- Borzilok i freskët
UDHËZIMET
- Filloni duke përgatitur salcën. Mjafton në një tas të kombinoni të gjithë përbërësit e saj dhe t’i trazoni mirë.
- E lini për 10 minuta mënjanë në frigorifer.
- Ndërkohë në një tenxhere me ujë e kripë zieni pastat si zakonisht.
- Në një tas të madh shtoni pastat e kulluara, domatet e ndara përgjysmë, qepën, borzilokun.
- Tani shtoni salcën dhe i përzieni mirë të gjitha bashkë.
- Shtoni edhe topthat e mozzarellës.
- I lini në frigorifer për 20 minuta, para se ta shijoni sallatën. Ju bëftë mirë!
