Presidenti Ilir Meta iu ka dërguar një mesazh të prerë të gjithë politikanëve të Kosovës, duke iu kërkuar të mos humbasin asnjë minutë në përballjen me koronavirusin.
Kreu i Shtetit Shqiptar tha në një intervistë për “Nova Media” se nuk është i lumtur për zhvillimet e fundit në Kosovë, ku një ditë më parë u shkarkua kryeministri Albin Kurti, pas mocionit të Isa Mustafës.
“Nuk jam i lumtur për zhvillimet e fundit në Kosovë, ndërkohë që kemi qenë shumë të lumtur për zgjedhjet e fundit në Kosovë. Sidoqoftë kjo situatë dhe përgjegjësia për të gjetur një zgjidhje i takon udhëheqësve të Kosovës. Është me rëndësi të mos humbet asnjë minutë në luftën kundër COVID 19 dhe të gjithë të përqëndrohen në këtë drejtim.
Kosova përveç përballimit të pandemisë ka dhe disa sfida tepër të mëdha që imponojnë një unitet si asnjëherë më parë. Përballimi i situatës së krijuar nga pandemia COVID19 duhet të jetë prioriteti numër një për të gjithë udhëheqësit e Kosovës, të cilët duhet të mendojnë se si do të japin një zgjidhje “Pro Kosovë” dhe jo “anti-Kurti””, tha Meta.
VAZHDO TË LEXOSH MË TEPËR PËR TEMËN
“Larg duart nga Kosova e kosovarëve!”
‘Guri’ serb i Kuririt dhe 100 mediat tona ‘të mençura’
