Emergjenca e Koronavirusit e ka futur në kolaps sezonin futbollistik në dy fronte: atë të kampionateve kombëtare dhe kupave të Europës. Pasi u diskutua se si do të mbyllen kampionatet, mediat italiane zbuluan se çfarë është diskutuar në takimin mes UEFA-s, Shoqatës së Klubeve Europiane e Ligave Europiane, që përfaqëson ligat kombëtare.
Prioriteti mbetet përfundimi i kampionateve kombëtare me çdo mënyrë që preferojnë, por me një afat kohor mbi të cilin nuk duhet të kalohet mesi i muajit korrik. Në këtë pikë, ambicia është që të rinisë Liga e Kampioneve dhe ajo e Europës, duke e strukturuar si dy turne të vegjël europiani: një formulë që lejon mbylljen e sezonit në harkun e dy javëve.
Kështu sezoni 2019-20 do të mbyllet zyrtarisht në gusht, do të shpëtoheshin pushimet e lojtarëve, duke sakrifikuar edhe ndonjë ndeshje miqësore në verë dhe nisja e sezonit 2020-21 do të bëhej normalisht në fund të gushtit ose fillimi i shtatorit, duke mos i ngushtuar afatet për Europianin e shtyrë në verën e vitit 2021.
Ndërkohë, mbledhja e fundit përmes videokonferencës e Ligës së Futbollit Italian tregoi përçarjen brenda ekipeve të Serisë A sa i takon sezonit që duhet mbyllur. Ekziston një palë, që po rritet gjithnjë e më shumë, e cila mendon se kampionati 2019-20 të konsiderohet i përfunduar, për të nisur normal sezonin e ardhshëm.
Një vendim që do të merret rreth mesit të prillit. Në rast se sezoni do të vendoset që të përfundohet, në rastin më të mirë, rifillimi i stërvitjes nis në fund të muajit Prill. Dhënia e dhjetë deri në pesëmbëdhjetë ditë që lojtarët të rimarrin një formë fizike të pranueshme, do të bënte që kampionati të riniste më 9 ose 16 maj, duke shkuar me dy ndeshje në javë deri në fund të qershorit, ku në mes të kishte hapësirë për kupave evropiane dhe kupën e Italisë.
Hipoteza e UEFA-s për t’u rikthyer për të luajtur në fillim të qershorit për të përfunduar kampionatet nga mesi i korrikut dhe më pas përfundimi i shpejtë i kupave është më pak bindëse: sezoni i ri do të kushtëzohej tepër rëndë, sipas klubeve italiane. Një pjesë e mirë e drejtuesve kanë propozuar që nëse kampionati nuk rinis në maj, atëherë të mbyllej me klasifikimin që është tani, me verdiktet siç është renditja.
VAZHDO TË LEXOSH MË TEPËR PËR TEMËN
Serie A, tre propozime për të zbutur humbjet
FIFA e UEFA: Ligat me 18 ekipe, kufizim i ndeshjeve
